Lo guapo de la fotografía manual ye que nunca sabes qué capturasti hasta que te devuelven les fotos revelaes. Lo malo ye la espera, que nel mio casu suel ser llarga: los carretes tán cada vez más caros, asina que solo saco la cámara analóxica n’ocasiones especiales.

Y un viaxe a Vermont siempre ye una ocasión especial. Por eso fíxome muncha ilusión atopar, dientro de la última tanda de fotos, dalguna que otra imaxe del mio viaxe a los Estaos Xuníos l’añu pasáu. Son d’un par de planes que fiximos Megan y yo: ún pa ver l’atapecer sobre’l llagu Champlain y otru nel que fuimos moyar los pies nuna piscina natural, de les munches que hai espardíes pel estáu.

Déxote con delles de les meyores fotos del carrete, que documenten recuerdos bien guapos.