Gais en Nueva York

17.08.24 — Nueva York

Gais en Nueva York

17.08.24 — Nueva York

El tren de Vermont a NYC iba perbién hasta que la megafonía nos informó de que una ponte ferroviaria quedara atrancada y que teníemos que baxar toos en metá de la nada. Tres d’unos cuantos minutos preguntándome cómo diablos diba llegar entós al mio destín, dixéronnos que tornáramos a xubir: lo de la ponte yá taba arregláu.

La primer nueche na Gran Mazana paséla solu. Xunto con lo que paecía’l restu de la ciudá, paseé pela ponte de Brooklyn mientres el sol se ponía. Decidí volver al hotel a pata, lo que me permitió pillar un perru caliente d’un paisanu rarín que me clavó seis dólares por una salchicha enana. Dempués de pagalos a 25 céntimos en Burlington, quedé enfotáu. Tuve que rematar la cena con una hamburguesa barata del McDonald’s. ¡Vivan los Estaos Xuníos!

Al día siguiente llamé a Kevin mientres paseaba pel Central Park. Él diba conduciendo dende Buffalo pa quedar conmigo en Nueva York y quería compartime la bona noticia: madrugara pa consiguir dos entraes pa ver Chicago en Broadway. A pesar de dexar cuasi tolos mios dólares na taquilla, pasé’l restu de la tarde mirando tiendes pola Quinta Avenida hasta que llegara’l mio amigu, mui queríu y mui tardón.

Col anochecer yá enriba, fuimos a un par de sitios. El primeru foi’l mercáu de DUMBO, un llugar na costa de Brooklyn, xunto a la ponte del mesmu nome. La comida yera cara y la xente mui de postureo, pero foi un bon sitiu pa facese un selfi y demostrar que tuviéramos en NYC. Tenía unes ganes loques de que Kevin probara los sándwiches del Katz’s Delicatessen, asina que esa foi la segunda parada antes d’acabar la nueche con unos helados y un paseu per Manhattan pa sentinos xente guapa.

Llegó la mañana siguiente y con ella la batalla de siempre pa que Kevin se llevantara. Dempués de consiguilo, visitamos xuntos Little Island pa pasalo mal un ratu baxo’l sol del branu mientres yo sacaba delles semeyes. Buscamos refugiu en dalgunos mercaos de la zona, pero los precios fixeron que la nuesa única actividá ellí fuera visitar los sos baños.

Dempués llegó la hora de ver l’espectáculu musical. Los dos gais en Nueva York cantamos, bailamos y gozamos de la pluma a tope. Amábamos cada momentu de la esperiencia, polo que decidimos siguir col mariconeu y acercanos a Stonewall pa tomar dalgo y mover el cuerpu baxo mil lluces de colores.

Esa tarde, optimista y ensin preocuparme muncho pola tormenta que se taba cuayando, insistí en que subiéramos a ún de los ferris municipales. Estos tán pensaos pa quien quier movese ente los distritos de la ciudá, pero pensé que podíemos facer un viaxe d’ida y vuelta pa ver ponese’l sol sobre la ciudá. Como bien te pues imaxinar, nun hubo sol nengún que se punxera baxo tanta nube gris, unes nubes que ceo empezaron a descarganos enriba conforme avanzaba’l viaxe. Al llegar al muelle del final de la ruta tuvimos que correr a toa lleche pa refugiamos debaxo d’una carpa hasta que’l ferri volviera zarpar. Empapaos hasta los güesos, pillamos el barcu de vuelta pal barriu financieru y mercamos dalgo más de comida callejera de calidá más bien dudosa mientres paraba la lluvia.

Foi una nueche completamente caótica pa poner fin al viaxe, como nun podía ser d’otra manera conmigo y con Kevin: somos el caos fechu persona. Ver un musical, esplorar la ciudá y montar tales circos dieron llugar a una estancia emocionante en Nueva York, pero sé bien que Kevin y yo podríemos dir al sitiu más aburríu del planeta (Murcia, por exemplu) y entá asina habría conversación, rises y trastades ensin fin. Namás que habría menos bagels.

Montañes verdes

16.08.24 — Vermont

Montañes verdes

16.08.24 — Vermont

Ye’l tercer añu que paso’l branu en Vermont, un llugar al que suelo volver. Nun hai nada como descansar en plena naturaleza mientres visito a xente a la que quiero. Y, al ser Estaos Xuníos, ¡nin siquier fai falta que deprenda nengún idioma nuevu pa viajar!

Como dicen ellí, el viaxe d’esti añu foi un doozy (daqué estraordinariu). Xuntáu con Megan y la so familia, visité pozas naturales, fixi senderismu, participé en parrillaes, monté en kayak nel llagu Champlain y tomé café malísimu nel mio diner de confianza en Burlington.

La mayoría de les nueches pasámosles na casa de Maureen, pero n’alguna que otra ocasión sí que nos aventuramos a salir dempués del atapecer. Una nueche pasámosla siendo devoraos polos mosquitos nun autocine, un plan que me prestó muncho a pesar de los bichos infernales. Otra nueche pasámosla nun campamentu, un llugar al que llegamos con chuches, salchiches y una botella d’agua… pero ensin tienda de campaña. Vieramos la previsión de tormentes elèctriques y decidimos que, daes les téuniques de supervivencia de les que disponemos Megan y yo, lo más probable yera que muriéramos si intentábemos pasar la nueche. Al final foi una bona decisión: los cielos abriéronse dempués d’un par de copes de vinu. Pocos momentos dempués, yá tabámos fuxendo escontra la seguridá cálida de casa, mientres la lluvia apagaba la foguera que tantu nos costara montar.

Son momentos tontinos como estos los que faen de Vermont el mio destín de confianza. Ye verdá que la xente fai’l llugar, pero tamién ye ciertu que ye’l refuxu ideal pa escapar del día a día. Abrácente les montañes verdes que dan nome al estáu.

Too lo bono tien de llegar al so fin, sicasí, y esti viaxe terminó con una despidida dende’l tren que tomé escontra’l sur. D’eso cuntarvos-é más na próxima entrada.

Boston y RI

11.08.24 — Boston

Boston y RI

11.08.24 — Boston

Seis hores abástenme pa volar dende España a Canadá, pero pasar seis hores nel coche nun se considera nada raro nos Estaos Xuníos. Eso foi lo que me dixo Megan mientres nos llevaba conduciendo escontra Boston, la ciudá onde estudió y que ta a unes seis hores en coche de Burlington.

Boston ye’l llugar más européu que me paeció de tolos sitios d’Estaos Xuníos onde estuve. El metro tenía un aire parisín, les cais paecíen ingleses y los cannoli que zampamos sabíen a Italia. Sentíame como en casa hasta ver a la xente coles sos gorres y los sos acentos yanquis falando de dir ver el «ball game».

Resulta que yera xusto al ball game al que íbamos Megan y yo. Un sitiu llamáu Fenway Park ye la casa de los Boston Red Sox, un equipu que me sonaba vagamente y del que Megan ye bien fan. Consiguiónos unes entraes de última hora mientres el soníu del himnu nacional resonaba pel estadiu, una esperiencia bien rara pa un extranxeru. Teníemos asientos bien arriba nes grades, pero colémonos nun sitiu meyor cuando se marcharon dalgunos mientres el partíu. A mí eso la verdá ye que me daba igual, porque entá nun entiendo esti deporte nel que los xugadores paecen pasar la mayoría del tiempu paraos, ensin facer nada. Asina que pasé la mayor parte del tiempu probando los meyores/peores platos típicos del estadiu.

Esa nueche, y mientres cruciábamos un puente sobre’l puertu, abriéronse los cielos. Llegamos a casa calaos hasta los güesos, polo que foi un milagru que nun pilláramos un constipáu de los gordos al día siguiente cuando nos subimos al coche camín del siguiente destín: Rhode Island.

La parte paterna de la familia de Megan vien del estáu más pequeñu del país, un llugar con un acentu bien peculiar. Esto deprendílo mientres probaba’l famosu clam chowder nun restaurante de mariscu con vistes a la playa. Pasamos dellos díes cola tía y la prima de Megan, pero tamién pudimos escaparnos a tomar un heláu bien riquín, comer nun sitiu modernín y pasar la última nueche caminando pola playa hasta un bar míticu que da al mar.

Mientres disfrutaba de la música country en directo nesa taberna tambaleante y llena de personaxes, puse a pensar en cómo cada decisión y cada cosa que pasara na mio vida me llevara a tar nesti sitiu tan al debalu, nesti momentu concretu. Pero namás depués de conseguir despegame d’una muyer borracha con gorru vaqueru que me obligara a bailar con ella, tuve tiempu de pensalo meyor falando con Megan y mirando les ondes. Diome cuenta de que nun había meyor llugar pa tar agora mesmo.

Oslo, bebé

17.06.24 — Oslo

Oslo, bebé

17.06.24 — Oslo

La mio vida suele ser axetreada. Puede ser un retu compaxinar el mio trabayu con los mio pasatiempos mientras me mantengo al tanto de los mio amigos, que tán espardíos por tol mundu. Puede ser un retu, pero ye un retu munchu gratificante.

Un d’estos amigos a distancia ye Heidi, que vive en Oslo col so parellu, Axel. Ya visitéi a ambos en dalgunes ocasiones, pero nesta ocasión subí al avión con encara más ilusión, yera que viaxaba a conocer un nuevu miembro de la so familia: ¡la so fía recién nacida!

A pesar del fríu, los díes que pasé con Heidi y Axel encheéronse de calidez: acomodarme na so casa y acompañalos n’esta viaxe como padres primerizos foi un descansu refrescante de los agobios de la vida madrileña. Foi un güestu velos, pero tamién poder xuntame colos sos amigos y familia, a quienes fui conociendo con los años.

D’alcuerdu tamién ta la ubicación: Oslo ye una capital como ninguna que halla visitáu; el so rollu relajáu nun tien igual, potenciado por llugares acogedores onde tomase un cafetín y ver pasar el mundu. Visité la nueva biblioteca municipal, xuntámonos con amigos al llau del fiordu pa picar dalgo y aprovechamos al máximu los bares y restaurantes pa pasar hores conversando.

La boda de Heidi y Axel celebrarase n’igualdá d’un añu, por lo que sentí munchu agradecimientu por poder pasar tiempu de calidá col parellu y’l so nuevu bebé antes de que comiencen les grandes celebraciones.

Sophie y Joe

01.06.24 — Saltaire

Sophie y Joe

01.06.24 — Saltaire

La universidá fue una esperiencia agrisabe. Lo guapu fueron les amistaes que se formaron; lo difícil,’l estrés de los estudios. Los míos amigos y yo éramos tol monde frikis del diseñu coles mesmes feches de entrega, lo que dio llugar a un revoltíu de tensiones y sofitu mutu que dempués sirvió pa forxar rellaciones que perduren hasta güei.

Una d’estes persones foi Sophie, con quien empecé a relacioname con un tonu cómicu dende’l primer día. Cuando llegó’l so pareya, Joe, les coses nun cambiaron: les risa surxen con naturalidá cuando l’amor ye profundu.

Por eso fíxome munchísima ilusión recibir una bonita invitación por corréu, convócandome a celebrar con Sophie y Joe nel pueblu pintorescu de Saltaire. Ye un pueblu victoriano modelu al que tengo munchu cariño, yá que’l mio pai costumaba llevar a la mio hermana y a mí a pasar el día ente les antigües cases adosadas y la fábrica renovada que ta nel centru del pueblu.

Nun se podía pedir un día meyor pa celebrar la xornada. El sol alumeraba les cais empedrades mientres entrábamos na ilesia, destacando tamién la guapa pintura azul del interior mientres Sophie y Joe intercambiaben los sos votos. La ceremonia y la celebración posterior fueron un auténticu gozu, yá que too se sentía tan natural, íntimu y personal: dende los detalles de güei fechos a mano hasta la comida, que foi un platu típicu de la clase obrera británica.

Más allá d’un casoriu preciosu, la xornada tamién sirvió pa que los vieyos amigos nos pusiéramos al día. Dadas les nueses vides adultes y axetreades, pocas veces surxe la oportunidá de reuninos tol monde nuna mesma sala, asina que aprovechamos al máximu pa charlar, bailar y falar col corazón na mano mientres nos colábamos pola salida d’emergencia pa tomar l’aire.

Tornando a lo que dicía al principi: la vida ye curiosa. Érase un tiempu en que tol monde taba agobiáu na mesma situación, pero agora somos adultos que sigamos cada unu’l so camín y simplemente prosperamos.

¡Vivan los novios!